Bonjour mes ami(e)s...
Jetzt bini uf da Tag scho n ganze Monat do in Chambourcy! I han mi mitlerwiila ganz guat iglebt..kenna scho s paar anderi fille au-pair, mit dena i scho regelmässig mol ins Pub uf St.Germain gang s biz go Karta spiele, oder mol sust s was go tua...
und kuma mit dr Arbeit au guat z recht. S ghört alles langsam zum Alltag.
Und ma glaubts fast nid, gell Flu, dass i au mitlerwiila ganz guat z recht kuma mit der Wäschmaschina, em Bügelbrett und em Kochtopf. Obwohl i am afang no s paar verfärbti Socka, s paar zerknittereti T-Shirts und abrennti Plätzli han müassa in Kauf neh... aber das ghört halt zum Lernprozess. So bini scho fascht zur Huusfrau mutiert, wo ihra Wäsch- und Bügeltag het... Ka ma sich kum vorstella,hm?
Ds Dörfli und au d Stadt St.Germain-en-Laye kenn i mitlerwiila au s biz- han mi au gnuag mit em Bus, em Velo verfahra und au verlaufa- so lernt ma a Ortschaft jo bekanntlich am besta kenna...
Mit da Kinder laufts au ganz guat. Sie hend so ihri Täg wo si mi ganz guat mögend- an andere drfür denn gar nid. Sowit i das aber vo andere Au-Pairs ghört han isch das normal, drum mach i miar do kei Sorga.
An da Wuchanend bini amigs in Paris. Alles isch zwor sehr tüür döt, aber au dreifach so schön:) Drum ka ma gar nid gnuag kriege, vom Montmartre, vo da Pärkli, dr Champs-Elysée, und all dena kliina Läda, Strössli und natürli vom Nachtleba vo Paris. So schloft ma also am Wuchanend gera mol weniger, well ma s natürlich nutza will:)
Aber au Frankriich het sini negativa Sita:
-Öffnigsziita vo Läda, Schwimmbäder, Gschäft etc. sind mengmol- wia s schiint fascht willkürlich und unverständlich...
-d Schuala sind sehr strikt und unglaublich diszipliniert- fascht scho s biz überoganisiert.
-klini Ortschafta sind laaaang nid so guat erschlossa wia bi üs- das heisst ab em 9i am obig han i kein Bus meh! und am Sunntig sowieso fascht keine..(zum glück gits Velos...)
So het wohl jedes Land sini schöna und negativa Sita:)
Zum Wetter: Sit eire Wucha schint do ununterbrocha d Sunna- s isch zwor am Morga und Obig no recht kalt..aber am Tag wunderschön sunnig und warm! Do sitzt ma doch gera mol z St.Germain-en-Laye in Park und list es schöns französischs Buach, knabberet anere Baguette und lost "Renan Luce" (en französischa Sänger- han i do entdeckt... bi dem sina Lieder wird eim grad französisch z muat:D)
Mis französisch isch zwor nonit fliessend und perfekt...aber i gib mer Müah und ma lernt täglich... das isch do scho supr.
Also, iar gsehnd..noch eim Monet bini do scho zimlich wohlig... Au wenn i eu natürli ständig s bizeli vermissa bini miar sicher, das dä Ufenthalt a super Sach isch und i gnüssa jeda Tag!
I melda mi bald widr mol.. des bisous, Tiinchen
Jetzt bini uf da Tag scho n ganze Monat do in Chambourcy! I han mi mitlerwiila ganz guat iglebt..kenna scho s paar anderi fille au-pair, mit dena i scho regelmässig mol ins Pub uf St.Germain gang s biz go Karta spiele, oder mol sust s was go tua...
und kuma mit dr Arbeit au guat z recht. S ghört alles langsam zum Alltag.
Und ma glaubts fast nid, gell Flu, dass i au mitlerwiila ganz guat z recht kuma mit der Wäschmaschina, em Bügelbrett und em Kochtopf. Obwohl i am afang no s paar verfärbti Socka, s paar zerknittereti T-Shirts und abrennti Plätzli han müassa in Kauf neh... aber das ghört halt zum Lernprozess. So bini scho fascht zur Huusfrau mutiert, wo ihra Wäsch- und Bügeltag het... Ka ma sich kum vorstella,hm?
Ds Dörfli und au d Stadt St.Germain-en-Laye kenn i mitlerwiila au s biz- han mi au gnuag mit em Bus, em Velo verfahra und au verlaufa- so lernt ma a Ortschaft jo bekanntlich am besta kenna...
Mit da Kinder laufts au ganz guat. Sie hend so ihri Täg wo si mi ganz guat mögend- an andere drfür denn gar nid. Sowit i das aber vo andere Au-Pairs ghört han isch das normal, drum mach i miar do kei Sorga.
An da Wuchanend bini amigs in Paris. Alles isch zwor sehr tüür döt, aber au dreifach so schön:) Drum ka ma gar nid gnuag kriege, vom Montmartre, vo da Pärkli, dr Champs-Elysée, und all dena kliina Läda, Strössli und natürli vom Nachtleba vo Paris. So schloft ma also am Wuchanend gera mol weniger, well ma s natürlich nutza will:)
Aber au Frankriich het sini negativa Sita:
-Öffnigsziita vo Läda, Schwimmbäder, Gschäft etc. sind mengmol- wia s schiint fascht willkürlich und unverständlich...
-d Schuala sind sehr strikt und unglaublich diszipliniert- fascht scho s biz überoganisiert.
-klini Ortschafta sind laaaang nid so guat erschlossa wia bi üs- das heisst ab em 9i am obig han i kein Bus meh! und am Sunntig sowieso fascht keine..(zum glück gits Velos...)
So het wohl jedes Land sini schöna und negativa Sita:)
Zum Wetter: Sit eire Wucha schint do ununterbrocha d Sunna- s isch zwor am Morga und Obig no recht kalt..aber am Tag wunderschön sunnig und warm! Do sitzt ma doch gera mol z St.Germain-en-Laye in Park und list es schöns französischs Buach, knabberet anere Baguette und lost "Renan Luce" (en französischa Sänger- han i do entdeckt... bi dem sina Lieder wird eim grad französisch z muat:D)
Mis französisch isch zwor nonit fliessend und perfekt...aber i gib mer Müah und ma lernt täglich... das isch do scho supr.
Also, iar gsehnd..noch eim Monet bini do scho zimlich wohlig... Au wenn i eu natürli ständig s bizeli vermissa bini miar sicher, das dä Ufenthalt a super Sach isch und i gnüssa jeda Tag!
I melda mi bald widr mol.. des bisous, Tiinchen
4 Kommentare:
das liest ma gern.
tönt schu wia ima französischa liabesklischeefilm
(nit bös gmeint gell!). stell mer alles so im
weichzeichneta morgaliacht vor, ds tiinchen zmiz
dinna am ummatolla in grüana fälder, croissants
und baguettes am essa etc.
(d wohrheit gseht anders us, i weiss :))
es grüsst
der beste blogabonnement :P
C'est bientôt l'heure de changer le language du blog - mème si les grisonnais n'ont bientôt plus aucune chance de comprendre la deuxième langue de la Suisse. La fin du monde - le pont de Tardis!
Ce n'est pas "la faute à la vie" (Patricia Kaas) mais la faute à ...!
Bonne chance
Hey Tiinschen,
alles klar? Tönt jo guat.
Aber he, wäscha und Bügla kann jo sogar iii.
also machs guat, guati ziit.
Gruass Gianno
Peutêtre les grison n'comprennent rien, parce le niveau d'éducation de la BKS est pitoyable ;).
En lisant le commentaire de donnie gianno, je dois avouer: il existe vraiment un problème - même un grand problème! Je vais m'en occuper tout de suite ... Il est nécessaire de corriger sa note de la branche "Französisch" dans le bulletin de notes de la maturité ou licencier le prof de français. Mais quand-même, bon courage ;-))
Kommentar veröffentlichen