Salut à tous!
Wia i gwüssa Leser versprocha han, gits widr mol n Blogg. Was gits also neus z verzella?
Z erst mol zu da negativa Nochrichta:
Obwohl i mi bim Tasche-Dieb-Versuach als Superwoman ufgspielt han und schlimmers han könna verhindara... bini denn doch no bestohla worda.
Und zwor hani letsta Samstig leider müassa feststella, dass mis Velo, wo i jo do kauft han, weg isch. I hans z St.Germain-en-Laye am Bahnhof loh- zwüscha hunderte vo Velos. Und jetzt ischs also weg..das würd i mol Pech nenna. Uf jeda fall bini jetzt Velo-los, was heisst, dass i nögst Wucha wieder mol in da Lada marschiere dörf und mer es neus poste muass... denn ohni Velo bini do in Chambourcy eifach abgschnitta.
Und jetzt zum Positiva:
Vom Samstig bis am Mittwoch obig sind mini Eltere do gsi. I han vo dr Familie frei überkoh und bin so s bizeli mit maman et papa dür Paris zottlet. I han sogar s bizeli Kultur gnossa (2 Museum in 4 Täg) und han sehr vil guat gessa! Han au zweimol chöna im Hotel bi mina Eltere schlofa, damit i nid hei muass..scho einiges praktischer. Ihres Hotel isch grad neb dr Sorbonne-Uni gsi -do sött ma studiere!
I hans also sehr gnossa, mini Eltere widr s biz um mi z ha und dia täg sind au vil z schnell verbi ganga..leider!
Jetzt schaff i wieder- d Kind hend jo Schualferie, no bis am 9. März. Aber do i selber au kei Schual han isch dr Alltag scho s biz relaxter.
Was gits sust no neus? Z Nachtleba bini no am usteschta- s git eifach so vil wo ma kann goh..aber i denka, dass i scho zwei würkli guati Bars/Clubs gfunda han, wo ma au mol s Konzert gseh kann.
Also, wer Paris no nie gseh het - kömmend mi cho bsuacha. s isch s würkli wert! Obwohls zwor grad momentan widr mol regnet- wird dr Früahlig sicher uuuuu schön!
Wirda bald no s paar Fötali meh ufschalta!
à plus tard... votre Tiinchen/Trine/Annatina
Abonnieren
Kommentare zum Post (Atom)
2 Kommentare:
hey schwösterli!
bin grad hüt wieder amol dahai gsi und han as paar fötali vo dr muetter gseh...het jo guat usgseh!
vorallem z einta wo du so super-interessiart am kunst betrachta bisch...das kauft dr jo niamert ab :)
he jo bis bald amol...witerhin vil spass und an liaba gruass us bern
sam
p.s. tuan mol uf dini mails antworta ;)
Salut Annatina
Moi, je aussi préfère de escrivre
en francais- mais j'ai oublie presque tout!! ;-) Mai oui, pour une glaronaise c'etait très difficile d'apprendre francais e t j'ai fait ma maturité avant 15!!! ans! Surtout je suis en train de apprendre "espaniol" et "Rumantsch" et ça fait des confusiones grandes avec francais et italien.
Merci beaucoup pour ton salut (de ton père, naturellment), ça me fait beaucoup de plaisier.. j'èspére que tu es felice (c'est juste??? ou c'est espaniol???)
Ton Blogg est un idée formidable. Moi je préfère de lire chauses de tes experiences en école...comment sont tes professeurs? et comment functiones l'école et les lessons?
allors, a bientot
gabriela diethelm v/o funny
m'excuse mes faultes, mais tu les pux corriger pour excercies ;-))))
Kommentar veröffentlichen