Salut mes ami(e)s..
Sind au scho wieder es paar Tägli verganga... Was gits also neus us em Franzosland?
Miar hend jo bis letschta Sunntig zwei Wucha Feria gha. Das heisst genauer gseit für mi: kei Schual, drfür d Kind dr ganz Tag im Huus. Und d Fernseh-Generation (Viil schlimmer als miar damals, liaba Papa) muass ma jo scho fascht mit Gwalt zum Huus usa zerra, damit dia sich mol an dia früsch Luft begebend.
So hend sich d Marja und i also s biz abgwechslet mit dahai sii und d Feria sind ganz fridlich verloffa. Noch dem mini Eltere weg gsi sind sind leider au sehrvil vo da Au-Pairs do weg gsi (Heimat-Urlaub oder in da Feria mir Gastfamilie..).
Am Sunntig, mitte Feria, simmer im Disneyland gsi (gucke Fotos..). Ach was für en Kitschhuufa! Viil Rosa, vil Kind, vil Süassigkeite, vil blödi T-Shirts, vil Fotoapparat und vil langi Schlangana vor da Bahna. Aber jo, zwei drei witzigi und recht halsbrecherischi Bahna hets denn doch gha, wo dr Rodrigo und i üsa Spass gha hend! Wia zwei kliini Kind simmer amigs glücklich zur Bahn usakoh...während dr André drneba fast zitteret het.
Und jetzt haltend eu fescht: Letscht Samstig bini in dr Rue Daguerre gsi!!!!!! Wer kennt si no? dia wunderbari Stross us em Decouverte 1? I muass sega, s isch es fridlichs Viertel döt und d Rue selber isch recht lang und het vil klini Lädeli. D Isa und i sind also grinsend und mim Fotiappart bewaffnet durch dia Stross gloffa, während üs alli dumm agluagt hend, well doch sust döt kei Tourista unterwegs sind. (Wir sind auch keine Touristen, Gäll Isa) d Fötali folgend bald... leider hemmer dr Arthur nid gseh...
Am Sunntig simmer denn ganz Kulturell gsi und hend üs vom gruusiga Wetter in es Museum triiba loh. Ds Musée Carnavalet isch recht gross und ischs historischa Museum vo Paris. (Wia Paris früahner usgseh het, d Gschicht, wichtigi Persona..) Meh oder weniger ischs denn au recht interessant gsi. Aber noch so 2-3 Stund simmer denn würkli uf en Café agwiisa gsi.
Und sit em Mäntig het also dr Alltag wieder agfanga. Doch alles isch nid ganz wia immer. dr Rodrigo und d Marja sind sit am Zischtig in Brasilie, anstell vo ihna isch d Tanta do. Mit ihra muass i Englisch reda- und was isch z erstunlicha dra? s kömmend immer wieder französischi Wörter dri:) Do si sust allai wär, schaff i also au das Weekend. Aber jo, git schlimmers.
Bi miar in dr Schual lauft eigetnli alles prima- d Olga, üsi Prof, het so ihri täg wo si üs zimlich nervt mit Grammatik, doch denn ab und zue isch si au ganz a liabi. Besser als üses Supermodel us dr Kantiziit isch si allemol.
Z Wetter isch momentan schrecklich. s Regnet vil oder isch eifach grau und gruusig windig. Nüt vo schönem Sonnenschein und Früahligsgfühl..aber jo, die Hoffnung stirbt zuletzt.
Am Samstig kann i endlich wieder es neus Velo go kaufa. denn hends nämlich Occasions-Markt, denn findi vilicht eis wo älter usgseht und nid so schnell klaut wird.. hoffemers zumindest.
A info, damit i nüm gfrogt wirda: i kuma so um da 1. Juli hei. I wirda zwüschadrinna nid heireise, well i mini Feria wo i z guat han für mini Bsuach ufbrucha möcht ( han jo au nur 1 Wucha z guat, pro 6 Mönet) Aber das isch scho ok so.. es gfallt mer do jo au mega. I gnüssa vor allem d Weekends in Paris mit da Mädels. Unter dr Wucha isch eh vil los, so wirds eim au nie langwilig und sust ka ma am Obig ins O'Sullivans- es Irish Pub in St.Germain- go s biz Karta spiela. Das isch au sehr fridlich:)
I freu mi über jeda Kommentar, au in französisch (Merci Mademoiselle Diethelm, pour votre message. Bon, peut-être ce n'est pas exempt d'erreur ou parfait. mais on le comprend, ça c'est la chose la plus importante non?! même Olga fait des fautes:))
mes meilleurs salutations, je vous embrasse de loin..
annatina
Sind au scho wieder es paar Tägli verganga... Was gits also neus us em Franzosland?
Miar hend jo bis letschta Sunntig zwei Wucha Feria gha. Das heisst genauer gseit für mi: kei Schual, drfür d Kind dr ganz Tag im Huus. Und d Fernseh-Generation (Viil schlimmer als miar damals, liaba Papa) muass ma jo scho fascht mit Gwalt zum Huus usa zerra, damit dia sich mol an dia früsch Luft begebend.
So hend sich d Marja und i also s biz abgwechslet mit dahai sii und d Feria sind ganz fridlich verloffa. Noch dem mini Eltere weg gsi sind sind leider au sehrvil vo da Au-Pairs do weg gsi (Heimat-Urlaub oder in da Feria mir Gastfamilie..).
Am Sunntig, mitte Feria, simmer im Disneyland gsi (gucke Fotos..). Ach was für en Kitschhuufa! Viil Rosa, vil Kind, vil Süassigkeite, vil blödi T-Shirts, vil Fotoapparat und vil langi Schlangana vor da Bahna. Aber jo, zwei drei witzigi und recht halsbrecherischi Bahna hets denn doch gha, wo dr Rodrigo und i üsa Spass gha hend! Wia zwei kliini Kind simmer amigs glücklich zur Bahn usakoh...während dr André drneba fast zitteret het.
Und jetzt haltend eu fescht: Letscht Samstig bini in dr Rue Daguerre gsi!!!!!! Wer kennt si no? dia wunderbari Stross us em Decouverte 1? I muass sega, s isch es fridlichs Viertel döt und d Rue selber isch recht lang und het vil klini Lädeli. D Isa und i sind also grinsend und mim Fotiappart bewaffnet durch dia Stross gloffa, während üs alli dumm agluagt hend, well doch sust döt kei Tourista unterwegs sind. (Wir sind auch keine Touristen, Gäll Isa) d Fötali folgend bald... leider hemmer dr Arthur nid gseh...
Am Sunntig simmer denn ganz Kulturell gsi und hend üs vom gruusiga Wetter in es Museum triiba loh. Ds Musée Carnavalet isch recht gross und ischs historischa Museum vo Paris. (Wia Paris früahner usgseh het, d Gschicht, wichtigi Persona..) Meh oder weniger ischs denn au recht interessant gsi. Aber noch so 2-3 Stund simmer denn würkli uf en Café agwiisa gsi.
Und sit em Mäntig het also dr Alltag wieder agfanga. Doch alles isch nid ganz wia immer. dr Rodrigo und d Marja sind sit am Zischtig in Brasilie, anstell vo ihna isch d Tanta do. Mit ihra muass i Englisch reda- und was isch z erstunlicha dra? s kömmend immer wieder französischi Wörter dri:) Do si sust allai wär, schaff i also au das Weekend. Aber jo, git schlimmers.
Bi miar in dr Schual lauft eigetnli alles prima- d Olga, üsi Prof, het so ihri täg wo si üs zimlich nervt mit Grammatik, doch denn ab und zue isch si au ganz a liabi. Besser als üses Supermodel us dr Kantiziit isch si allemol.
Z Wetter isch momentan schrecklich. s Regnet vil oder isch eifach grau und gruusig windig. Nüt vo schönem Sonnenschein und Früahligsgfühl..aber jo, die Hoffnung stirbt zuletzt.
Am Samstig kann i endlich wieder es neus Velo go kaufa. denn hends nämlich Occasions-Markt, denn findi vilicht eis wo älter usgseht und nid so schnell klaut wird.. hoffemers zumindest.
A info, damit i nüm gfrogt wirda: i kuma so um da 1. Juli hei. I wirda zwüschadrinna nid heireise, well i mini Feria wo i z guat han für mini Bsuach ufbrucha möcht ( han jo au nur 1 Wucha z guat, pro 6 Mönet) Aber das isch scho ok so.. es gfallt mer do jo au mega. I gnüssa vor allem d Weekends in Paris mit da Mädels. Unter dr Wucha isch eh vil los, so wirds eim au nie langwilig und sust ka ma am Obig ins O'Sullivans- es Irish Pub in St.Germain- go s biz Karta spiela. Das isch au sehr fridlich:)
I freu mi über jeda Kommentar, au in französisch (Merci Mademoiselle Diethelm, pour votre message. Bon, peut-être ce n'est pas exempt d'erreur ou parfait. mais on le comprend, ça c'est la chose la plus importante non?! même Olga fait des fautes:))
mes meilleurs salutations, je vous embrasse de loin..
annatina
6 Kommentare:
au secours au secours!! c'est un perroquet!!
arthur, (<<<- virgul) il n'y a plus des bananes, du prendes les pommes du terre
alles usem chopf, yeah!
unterhaltsam wia immer, danka für da itrag! :)
a bientot, mademoiselle (nit madame, i weiss)
le marceau :D
Alors, vu l'âge des livres "Découvertes", je suppose que le célèbre Arthur est mort depuis longtemps! Mais la rue Daguerre vaut vraiment une visite, c'est un des nombreux visages de Paris, un quartier - comme vous l'avez remarqué - sans touristes excepté les "endommagés" de "Découvertes". Avec plaisir je lis que ton anglais souffre du français - ça veut dire: tu progresses, le temps que tu passes là-bas n'est pas pour rien...
Je te souhaite encore beaucoup de rencontres intéressantes entre Chamboucy etParis - je t'envie!
Tout de bon
maman
Salut a toi
Je a trouve ton actuelle texte. Trés interessant pour liser ;)
Et j'espere ton nouvelle bicyclette ne serais pas volé.
À bientôt et bisous
Andreas
Bonsoir soeurette!
Also, i schriiba ganz sicher nit uf französisch...han miars überleit. aber nochdem i nit mol gwüsst han ob ma "bonsoir" mit oder ohni "e" schriibt, geschweige denn schwösterli uf französisch hanis denn loh...dr menscheit zu liebe!
schön wieder amol öppis z lesa...schiinsch jo würklich recht arbeit am hals z ha! aber do i di as bitz kenna, denki das du diar dini ziit scho nimsch zum paris uszkundschafta.
wua, waisch wia freud hätti i gha, wenn i an dinara stell wär gsi und dia tanta wär koh und hätti englisch gredet! wär gsi wia wenns noch zwei mönet rega an sunnastrahlt geh hätti ;)
so jetzt lohni di wiiterschaffa und festa...vil spass und ganz liaba gruass us bern
sam
Hola Tinchen
Han grad dini Räubergschichtli glesa, han doch schu immer gseit das Frankrich viel gföhrlicher isch als Latinamerika, miar händs do bis jetzt no nüt klaut unds au nit probiart. Aber jojo, isch villicht au a Frog vum Respekt, wo i do usstrahla, wer weiss ;-)
Uf jeda Fall Saludos de Costa Rica y cuidate!
Hey Tiinchen,
danka für din Kommentar. Jo as wird ehh cool, und wohrschinli passiart au nid viel. Aber as wird aifach überall im internet und so druf higwisa, was alles passiara könnt! Aber eba han au viel reisebricht und so glesa, und döt hani zum glück nur guats glesa vu da lüüt und so :p. Und jo i hoff i kann bis den gnuag spanisch, wil das hilft glaub au schu recht. si hends wen den glaub vorallem ufd gringos (nordamerikaner) abgseh.
Aber eba kunnt guat :)
also liabi grüass und no viel spass in Paris
hasta la vista
Kommentar veröffentlichen