Coucou! en ganz kurza Bricht hüt... aber Neuigkeite sind Neuigkeite nid...
Jo, das isch wohl nüt gsi mit em erste Suisse Spiel.. aber au d Franzosa hend ds Spiel hüt versaut... Aber gnueg über dä Memma-Sport... gömer über zum wichtiga!
Do i jo am Mittwuchmorge usschlofa kann, hend mi d Maria und d Marie überredet s biz am Pariser Nachtleba z fröne... so simmer also am Zischtig Obig ins Duplex ( halt so n In-Club mit bös ussehenda Türsteher und höcha Getränkepriisa).. Doch nach dem Spass... Am Mittwuch han i denn tatsächlich dr Hogga hinter dem ganza gseh: i bin krank worda... (obwohl i s scho vorher ufglesa han müassa.... wells a rechti Grippa gsi isch). I bitte drum kurz um s biz Mitleid eurersiits!...
....
Danke!
...
Dank Tee, sehr viel Schlof und s biz Schonig bini denn aber am Samstig widr ganz fit gsi und han könna z Wuchanend gnüssa! Doch s wia isch üs eifach so gar nid noch Kultur gsi, so hemmers denn am Samstig vor allem bi Pärkli, Café und Diskussiona beloh... am Obig simmer denn ( 6 Mädels..) in es lauschigs Pub namens "Who's Bar", wo a no lauschigeri Band gspielt het..und d Lüüüt sind allgemein ganz lauschig gsi... so hets es denn wella, dass mer widr mol wenig gschlofa hend..aber drfür ischs französischa Plaudere widr mol nid z kurz koh.
Dr Sunntig het denn widr kei Kultur vertreit. Aber immerhin hemmer dr Turm vom Sacré coeur bezwunga und hend döt oba eini vo da schönsta Ussichta über üsi Herzensstadt gnossa. Spöter hemmer üs denn uf dr Treppa vor dr Kircha niderloh. (Am Wuchanend wird nämli d Ussicht vo döt us no musikalisch unterstricha..)
Dr Obig het den ganz am Fuassball ghört...
Und so schnell gohts, isch widr Mäntig...
Mais bon... à une autre... GrandBisou
eures Tiinchen
PS: neui Fötali werdend hüt no ufaglada.... in allna Orndner...
1 Kommentar:
Hallo liabs schwösterli!
Jo dia franzosa dia...verlürend gega d italiener! Catastroph! (a katastropha uf guat tüsch)...
naja, i hoffa uf jeda fall, dass d franzosa jetzt nit im selbstmitleid versinkend, sondern jetzt wenigstens das holländer dr tuuma druckend!
i kann zur ziit öppa jeda match luaga do, bin grad im militär und spila sekretär (hai, wenn das im richtigi leba au so langwiilig isch, verstohni, dass dia sekretärinna immer öppis mit am chef hend....nur leider hets bi üs kai schöni chefs ;)...)
dia huara ziit goht scho wia verruckt...obwohls sicher nit gern ghörsch, aber du bisch jo scho in zwai wucha wieder dahai...krass
jo und denn hani vo verlässlicher quella no vernoh, dass du ev. erwägsch ans gampel z goh...luagas amol a und denn wäri villicht au drbi! jeee..
also jetzt tuani di nüm wiiter belästiga...schöns tägli und bis bald amol!
glg sämi
Kommentar veröffentlichen